Triniaethau

Lefel newydd o ymlacio

Rydyn ni’n ymdrechu i ddarparu profiad sy’n mynd y tu hwnt i ymweliad arferol â salon harddwch. Gydag amrywiaeth o wasanaethau rhagorol, mae ein tîm cynnes, cyfeillgar a phroffesiynol yn cynnig y triniaethau gorau sydd ar gael wrth i chi ymlacio yn ein gofod deniadol, ymlaciol. Yn y byd prysur sydd ohoni, rydyn ni’n deall pwysigrwydd cael amser i chi’ch hun a manteision sesiwn faldod i dawelu’r meddwl ac ymlacio’r corff.

Beth bynnag fo’ch anghenion harddwch – triniaeth fach gyflym i’r dwylo neu’r traed, cwyro, arlliwio, siapio, triniaeth ddofn i’r wyneb neu dylino lleddfol, byddwn ni’n sicrhau bod eich amser chi gyda ni yn brofiad gwerth chweil a bythgofiadwy. Gan ddefnyddio brandiau blaenllaw’r diwydiant fel Elemis, Dermalogica, Made for Life, Good Wash Company a Mii, rydyn ni’n gwerthfawrogi pwysigrwydd gwasanaeth o safon drwy gydol eich ymweliad, gan mai’r cyfuniad hwnnw sy’n sicrhau bod ein cwsmeriaid ni’n dod yn ôl. Dewiswch o blith ein triniaethau harddwch niferus isod a threfnwch apwyntiad heddiw.